Venezuela ram-a Socialist sorkar kaihruaitu President Nicolas Maduro a’n Trump-a kaihhruai US sorkarin thah tumin a vehru reng niin a sawi.

0
267
views

 

Maduro-a thusawi chungchang hi White House National Security Council chuan chhangin, US chuan Venezuala ramah mipui rorelna democracy mumal leh chak tak a din leh theih a duh ber a ni a ti.

Venezuela-a eptu pawlte chuan Maduro hian a hna a tlin loh zia thupbo nan ramdangte a puhmawh mai a ni an ti thung. Tuialhthei-a hausa ram, Venezuela ah hian sum leh pai harsatna nasa tak mipuiin an tawh avangin kum 2015 hnulamah mi maktaduai 2 chuang ram dangah an pem chhuak tawh a, Venezuela ah hian eitur bakah damdawi a vang a, tharum thawhna thleng a tamin thil man a sang em em bawk a ni.

US chuan Venezuala hotu Maduro hian thuneihna pumhmawmin mipuite dikna leh chanvo a rahbehsak nasa hle a ni a ti a, hei vang hian sum leh paiah a hrek mek a ni. Tun hnai maiah an ram politician pakhat chu Jail chhungah a thi a, thuneitute chuan amah leh amah intihlum angin sawi mahse, US chuan he thihnaah hian Venezuela sorkar chu a mawhphurtu a ni a ti ve thung.