Venezuela ramin retheihna nasa tak a tawh mekah ramri venghim turin Brazil-in sipaite a tir chhuak.

0
744
views

 

Venezuela tlan chhuahsana an rama pem luh tum an tam avang leh hei hian ramri-ah buaina a chawh chhuah theih avangin sipaite hi tirh an ni tih Brazil President Michel Temer chuan a sawi a, Venezuela harsatna tawh chu South America pumpui tan harsatna thlen thei a ni a ti. Venezuela ram mipui maktaduai tel chuan an ram retheihna tlan chhiatsanin ram dangah an pem chhuak ruih ruih mek a, Venezuela ah hian mipuiten eitur an tlak chham bakah damdawi pawh an tla chham nasa a, thil man a sang chho zel bawk a ni. Brazil President chuan Venezuela buaina tawh chu politics buaina mai ni tawh lovin South America pumpui buaina a ni ta tih a sawi a, sipaite hian ramri-a buaina chhuak thei an ven bakah Venezuela a\anga pem chhuakte himna turin hna an thawk dawn a ni a ti. Peru pawhin hmar lam ramri hnaihah te hripui leng mai thei anih avangin ni 60 chhung medical emergency a puang bawk. Kum 2014-a tuialhthei man a tlakhniam hnuah Venezuela hian sum leh paia harsatna a tawk chho \an a, an rama mi cheng mi 5 zela mi 4 te chu retheihna in a tlakbuak mek a ni.