Kar hmasa khan president lailawka inpuang Juan Guaido chuan Brazil leh Venezuela ramri te, Caribbean Island te leh Cucuta te chu ram dang a\anga \anpuina lo luhna tur a nih thu a lo puang tawh a, President ni lai Maduro chuan kutdawh an nih loh thu sawiin \anpuina hi hnawlin a dang ta thung a ni.
Migration Colombia thupuangtu Juan Caicedo chuan Venezuela sipai te’n thawh\anni khan lei hi an lo dan thu leh camera hmanga enthlak reng a nih thu a sawi a. Venezuela sorkar hian \anpuina a luh chuan Maduro paihthlak nan hman a ni ang tih an hlau a ni.
Puan tawhin Canada Prime Minister Justin Trudeau chuan Venezuela \anpui nan dollar mtd 40.4 a lo pe tawh a, German Foreign Minister Heiko Maas pawhin dollar mtd 6.86 pek a tiam bawk a, US national security adviser John Bolton’n Venezuela-a \anpui ngaite \anpuina tur humanitarian aid thawn an tum thu a puan hnuah USAID chuan eitur lakhawmin a inpuahchah tawh bawk a ni.
Guaido hian Venezuela in hun khirh tak a tawk mek a ni a ti a, \anpuina hi Venezuela chhungah a luh tur thu a sawi a, Maduro chuan \anpuina hi eptu pawl te’n sipai te thawhpui an tumna a ni tiin a hnawl a ni. Guaido hian sorkar dinglai laka rinawm tlat Venezuela sipaite chu mirethei ril\am an awm lohnan \anpuina lut tur hi dang lo turin a ngen a ni.
