Vice President Venkaiah Naidu chu vawiin khan Africa ram hrang hrang pathum tlawh turin a zin chhuak a, Botswana, Zimbabwe leh Malawi ramte a tlawh ang.

0
300
views

 

Naidu hi Union Minister of State for Social Justice and Empowerment Krishan Pal Gurjar leh MP dang pahnih leh sorkar laipui officer rual eng emaw zatin an \awiawm a ni. Naidu hian a zin chhung hian ram hruaitute bakah sumdawng lian-te a kawm dawn a, Botswana-ah hian Global Expo a hawng ang a, Zimbabwe-ah hian Chancery Project bul \anna tur lung a phum ang a, Malawi-ah hian sumdawnna hmunpui, Business Incubation Centre a hawn beisei a ni bawk. External Affairs Ministry chuan sumdawnna kawnga inremna hrang hrang bakah, Agriculture lama hnathawh dunna tur te leh dan bawhchhetu inhlan tawn chungchang inremna eng emaw zat Naidu hian tihfel a tum tih a sawi a ni.