Vietnam-ah heroin dollar mtd 3 man vel man

0
820
views

Vietnam ram Police-ten ruihhlo, heroin, dollar mtd. 3 man vel, thingpuife zinga fun tel an man a, hei hi Laos ram a\anga thawn luh a ni a, Vietnam rama \um khata ruihhlo an man hnem ber a la ni. Vietnam hi ruihhlo tawlhna kawng, “Golden Triangle” an tiha ruihhlo an inhlan chhawnna hmun pakhat a ni a, Laos, Thailand leh Myanmar depa a awm avang leh, heng lai vel hi khawvela methamphetamine, opium leh heroin tamna ber a nih avangin ruihhlo tawlh vel hi a tam hle a ni. Thawhlehni khan Police te chuan Vietnam ram hmar lama Dien Bien bialah mipa, kum 44 mi, leh hmeichhia, kum 30 vel mi an man a, an motor cycle-ah heroin kg. 170 lai an lo phur a, Laos a\angin, thingpuife karah an lo fun tel niin an sawi. He ruihhlo hi Vietnam a\anga ram danga thawn chhuah leh tura ruahman a ni a, Vietnam hian ruihhlo dona dan khauh tak a nei a, thiam loh chantirte chu tihhlum theih an ni a, heroin gram 600 aia tam emaw, opium kg 20 chin kawl emaw chu tihhlum theih an ni.