Vishwa Hindu Parishad hruaitu chin hriat lohvin awm, a ka hup an tum niin sawi

Vishwa Hindu Parishad hruaitu, Pravin Togadia chu nimin khan chin hriat lohvin rei vak lo a awm a, mi \henkhatin a ka hup an tum nia sawiin, Ram Temple chungchang te, bawng talh chungchang leh lo neitute dinhmunte sawi lo se an duh niin a sawi. Kum 62 mi, Togadia chuan hei hi thuthar lakhawmtute hrilhin, police-ten an kap hlum mai ang tih pawh a hlau niin a sawi a, Rajasthan Police-ten amah chu man an tum nia sawiin, amah kah hlum tum an awm tih thu pawh a dawng niin a sawi. Rajasthan Police-te hian thubuai pakhat, kum 10 awh tawh kaihhnawihah Togadia hi man an tum a, chin hriat lohva a awm hnuah damdawi inah nikhaw hre lova dah a ni a, damdawi in a\anga a chhuah hunah Rajasthan court-ah inpek a tum thu a sawi a ni. A chunga thil thleng hi Rajasthan CM, Vasundhara Raje leh Home minister, Gulabchand Kataria pawh a hrilh a, mahse an Police te chu amah man turin Gujarat-ah an kal lo niin an hrilh niin a sawi a, a hlauhthawn lehzual t^k avangin a mobile phone pawh a off ta niin a sawi bawk.