West Bengal-a Assembly bye election neihna bial pathumte Trinamool Congress in a la dawn niin a lang a, bial pahnihah lain bial dang pakhatah pawh hma a hruai.

0
162
views

Trinamool Congress hotu, West Bengal Chief Minister Mamata Banerjee chuan an duh duh ti theia inngaia an chet \hin avangin BJP chuan an tuar let a ni a ti a, BJP in NRC chungchang aupuia ramdangmi umchhuah an tum thu an au chhuahpui reng chu an chhiat phah a ni a ti a, chapona leh midang hnuaichhiahna chu BJP in a chhiat phah ta a ni a ti.

Bye election hi Kharagpur Sadar, Karimpur leh Kaliaganj Assembly bialah te neih a ni a, Trinamool Congress hi BJP nen an inbei nasa hle a ni. Inthlanna neih lai khan BJP leh Trinomool thlawptute inkarah inhmuhthiam lohna a awm vangin Trinamool thlawptuten BJP candidate, Jay Prakash Majumdar chu tharum hmangin an bei a, hei vang hian result puan hun sawn hlat a ngaih phah a ni.

Kaliaganj bialah vote za zela 77.17 a tla a, Kharagpur Sadar bialah za zela 67.62 leh Karimpur-ah zaa 81.23 a tla a ni.

Kaliaganj bialtu MLA Parmatha Nath Ray chu kumin kum tir khan a thi a, Karimpur leh Kharagpur Sadar bialtu BJP MLA, Dilip Ghosh leh Trinamool Congress MLA, Mohua Moitra te chu parliament member atan May thla khan thlantlin an ni a, hei vang hian heng assembly bial pathumah te hian bye election neih a ni ta a ni.