West Bengal-a nuar mek Doctor rualten Chief Minister Mamata Banerjee hmuin an lungawi lohna chinfel dan tur an sawiho a, West Bengal-a Doctor te nawrhna hi Indian Medical Association chuan thlawpin ram pum huapin doctor ten nawrh an huaihawt bawk.

0
414
views

West Bengal-ah hian NRS Medical College and Hospital Kolkata-a damlo pakhat a thi a, mitthi chhungte hian doctor pahnihte chu na takin kut an thlak a, doctor te hian an sahimna tur ngaihtuahsak phutin hapta khat zet nawrh an huaihawt tawh a ni. Indian Medical Association chuan West Bengal-a doctor-te nawrhna hi thlawpin ram pum huap doctor zawng zawng nawrh a huaihawt a, IMA sawidan chuan nawrh hi ram puma doctor nuai 3 sing 5 velin an thlawp a, rikrum thila \ul bik tih loh te chu doctor ten hna engmah an thawk lo a ni. OPD zawng zawng te pawh khar vek a ni a, nawrh hi darkar 24 chhung awh tur a ni. IMA hian doctor leh damlo enkawltu dangte sahimna tur Dan ram pum huapa siam turin sorkar an phut a ni.