He thil thlenna hmun, Malda district-ah hian panchayat board inthlan neih a ni a, mipa naupang nu, Putul Mondal pawh he inthlanah hian BJP ticket-in thlan tlin a ni a, mahse Thawhlehni lama board siam a nih dawn khan Trinamool lam a thlawp leh ta zawk a ni. Police-te chuan Mondal-i inah hian mi eng emaw zat ralthuam nen nimin khan an kal tih an sawi a, an inhnial buai hnuah a fapa kum thum mi chu a lu-ah kah a ni ta niin an sawi, Trinamool lam chuan pawikhawihtute hi BJP lam thlawptute an nih ngei tih sawiin Mondal-i’n Trinamool a thlawp leh si vanga an thinrimin ralthuam an chelek ta a ni an ti a, BHP lam erawh chuan inhnamhnawihna an neih loh thu leh Trinamool party chhunga buaina awm vanga thil thleng niin an sawi ve thung a, Mondal hian a thlawp lam a thlak chuan pawisa pek an tiam nia sawiin, pawisa a dawn leh si loh vangin an inkarah buaina a chhuak ta niin an sawi.
