Amit Shah-a rally zawh hnu hian buaina a chhuak nasa hle a, petrol pump te hal a ni, police te’n hmehmih tumin nasa takin an bei a ni. Buaina tichhuaktuah Trinamool Congress te leh BJP te an inpuhtawn a, BJP te chuan BJP worker-te chuanna bus chu TMC worker ten an suasam a, an hal a ni an ti a, TMC party chuan Kanthi-a an office chu BJP worker te’n an suasam niin an sawi ve thung.
Hemi chungchangah hian Home Minister, Rajnath Singh chuan Chief Minister, Mamata Banerjee chu phone hmangin a bia a, pawikhawihtute chunga dan anga hremna pek phutin, darkar 24 chhunga thil thlen dan chipchiar taka report thehlut turin a ti a ni.
Mamata Banerjee-i chuan Amit Shah-a chu a party hruaitute leh worker te thunun tura a duh thu a sawi ve thung. BJP hian Bengal chhungah hian BJP executive committee member Mukul Roy leh BJP general secretary Sayantan Basu te nen rally a huaihawt leh dawn a ni.
