Pawl pahnih intihbuaina kaihhnawihah hian mi 16 man an ni tawh tih Police te chuan an sawi a, buaina chhuakah hian mi 2 an thih bakah midang 11 an hliam a, heng pawl pahnihte hi Trinamool Congress party leh BJP party mi leh sa te nia rin an ni.
He thil thleng hi pawi a tih thu Governor KN Tripathi chuan sawiin, Bhatpara chauh ni lo state pumpuiah muanna a awm theihna tura \an lak a ngai a ni a ti. Bhatpara leh Jagaddal hmunah te dawr leh sumdawnna hmun dang te khar vek a ni a, internet service pawh thuneituten an khuahkhirh a ni.
Thuneitute chuan CRPC section 144 tlawh chhanin mipui punkhawm khapna thupek an ti chhuak a, tharum thawhna thleng zui thawm hriat tur awm loh mahse, bomb hal ri te zan lamah hriat tur a la awm a ni.
