Kolkata-a party mi leh sa te intawhkhawmnaah he thu hi a sawi a, Mamata Banerjee hian Singur biala thil siamna hmun din tumna na taka a dodal avangin amah pawh politics ah nasa taka invawrhin chief minister a nih theih phah a, Singur hi Lok Sabha Hooghly bial chhunga mi a ni a, BJP candidate Chhatterjee-a’n hnehna a chang a ni.
Trinamool Congress hotunu hian BJP chu sum hmathehah puhin, vote thlakna khawl EVM ti chingpenah a puh bawk a, a party, Trinamool Congress worker ten mipui te an ti lawm zo lo nia a hriat thu pawh sawiin, an party worker te laka lungawi lo chu ama hnena lehkha thehlut turin a hrilh a ni. Kum 2014-a seat 2 chiah la phak BJP hian West Bengal-a seat 42 awmah tun \um Lok Sabha inthlanah khan seat 18 lai an la phak a, Trinamool Congress hian seat 22 la in hei hi inthlan hmasa aiin 16 in a tla hniam a ni.
