Winter Olympics kharna inkhawmah Ivanka Trump leh North Korea sipai hotu tel dawn

0
473
views

Winter Olympics kharna inkhawm, tun kar tawpa neih turah, North Korea hotute leh US President Donald Trump-a fanu, Ivanka Trump te an inhmu dawn. Puan tawh angin tun tum Winter Olympics-ah hian North Korea-in palai a tirh ve avangin ngaihven a hlawh hle a, North Korea hruaitu, Kim Jong-Un-a farnu, Kim Yo Jong pawh a hawnna-ah khan a tel ve nghe nghe a, South Korea President Moon Jae-in pawh an rama zin ve turin a sawm hial a, a kharna inkhawmah hian North Korea sipai hotu zinga mi, Kim Yong Chol chuan an ram palai-te a ho dawn tih an ram sorkar thuchhuak chuan a sawi a, Kim Yong Chol hi South Korea-in hrek zingah a telh avangin, a zin ve tur hian ngaihven a hlawh hle a, hei hi North Korea-in South Korea nena an inlaichinna a fiahna-ah ngaih a ni a, mi thiamte chuan Winter Olympics-a North Korea a tel pawh hi South Korea leh US inkar tih chhiat a tumna-ah ngaih a ni a, South Korea hian an thenawm ram hi lo lawm viau mahse, US chuan nasa takin a sawisel thung a ni.