Winter Olympics kharnaa tel, North Korea sipai hotu-in South Korea chhuahsan fel ta

0
582
views

Winter Olympics kharna inkhawma North Korea ram palai, an sipai hotu, General Kim Yong Chol chuan vawiin khan South Korea a chhuahsan. South Korea thupuangtute chuan Yong Chol hian an ram Intelligence hotute leh Korea ram pahnihte insuihkhawm chungchanga an ram Minister, Cho Myoung-Gyon te tukin khan a kawm tih an sawi a, Korea ram leh a chhehvela remna leh muanna awm theihna atan, ram pahnihte thawh dun zel an remtih bakah, an inkar pawh siam that zel an remti tih an sawi bawk a ni. Puan tawh angin Kim Yong Chol hian North Korea ram aiawh pasarih-te chu Winter Olympics kharna inkhawmah a tel pui a, South Korea sipai thenkhat thihnaa mawhphurtu leh an ram sipaite thupetu ber a nih vangin, a zin tur pawh hian ngaihven a hlawh hle a, eptu pawlte leh sipai thita chhungte phei a zin tur hi an dodal nasa hle a ni.