Winter Olympics zawh takah US leh North Korea ram hruaitute inkawm ta lo

Winter Olympics zawhfel takah khan US Vice President Mike Pence chu North Korea ram hruaitute kawm tura ruahman ni mahse, North Korea lam aiawhte chu chawp chilh takin an inhnukdawk leh tih US thuneituten an sawi. Pence hi Winter Olympics hawnna South Korea ah khan a kal a, Sorkar thupuangtu sawi danin, Pence-a hi North Korea ram hruaitu Kim Jong-un farnu Kim Yo-jong leh hruaitu dangte pawh kawm tura ruahman a ni. North Korea lam an inhnukdawk tih thuah hian North Korea lam chuan engmah an la sawi lo a, US State Dept thupuangtu Heather Nauert chuan Pence-a hi North Korea ram hruaitute kawma, Nuclear ralthuam leh ballistic Missle chungchangte sawipui turin a inbuatsaih a, North Korea lamin an thulh leh ta erawh thil vanduaithlak tak a ni a ti.