World AIDS Day Mizoramah hmang

0
539
views

Khawvel pum huapa AIDS dona ni, World AIDS Day chu vawiin khan Mizoramah pawh hman a ni a. Aizawlah chuan Mizoram State AIDS Control Society, CARE -World Vision India, Young Women Christian Association leh State Legal Services Authority \angrual buatsaihin Aizawl Chanmari YMA Hall-ah hman a ni a, a hmanpuitu Health Minister, Pu Lal Thanzara chuan, HIV chu vanduai vanga kai theih ni mah se, a vei tam zawk chu nun inthlahdah avanga kai an nih avangin uluk zawka nun hman a pawimawh tih a sawi a. Thailand ram pawh mipat hmeichhiatna hman hluarna ram leh chumi avanga AIDS vei tamna ram ni mah se, condom hmang uar tura an inzirtir nasat avangin HIV darh tur nasa takin an veng thei a, mi thiamte chhut dan chuan 1991 a\anga kum 2013 chhung khan HlV darh tur an ven zat chu nuai 57 vel a tling hial a, Mizoramah pawh nawhchizuar \hin tam tak an awm tih phat rual a nih loh avangin Condom hmang tura inzirtir chu thil zahthlak ni lovin, HIV darh zel tur venna atana thil tih makmawh a ni tawh zawk niin Pu Lal Thanzara chuan a sawi.

He inkhawmah hian HIV positive-ten awlsam zawka enkawlna an dawn theih nana ruahman – Differentiated Service Delivery Model chi hnih, Co-location of OST leh ART Centre leh Mizorama HIV natna darh zau dan zir chianna chu Health Minister hian a tlangzarh a. MSACS Project Director, Dr. Lalmalsawmi Sailo pawhin Mizoramah \halai, kum 15 leh 25 inkar mite zingah HIV hi a darh nasat zual avangin uluk zawka nun hmang turin \halaite a chah a ni. World AIDS Day hi kum 1988 a\anga khan kum tin, December ni 1-ah hman \hin a ni.