World Bamboo Day ni hnih chhung awh tur chu vawiin khan Mualpuia R. Deng\huama Indoor Stadium-ah Chief Minister, Pu Lal Thanhawla’n a hawng. Chief Minister hi Deputy Speaker, Pu R. Lalrinawma leh Pu RL Pianmawia MLA ten an \awiawm a ni.

0
249
views

World Bamboo Day hi Hmarchhak biala State hrang hrangten kumtin a huhovin an hmang \hin a, tun \umah hian Mizoram sorkara Department hrang hrangte bakah Ministry of Environment, Forest & Climate Change leh Ministry of DoNER a\angin officer liante an tel a ni.

Hawnna thusawiin Chief Minister chuan Mizoramin mau tam tak a neih thu te, tun hmalam khan Mizoram mau te chu Cachar District-a paper mill-ah lehkhapuan siam nan thawn \hin a nih thu te, paper mill chu tihtawp a nih hnuah Mizoram mau \angkai taka hman dan tur zawn chhuah a \ul thu te sawiin, DoNER Ministry-in hemi kawnga hma a la chu lawmawm a tih thu a sawi a, Mizoram pawnlam mi thilsiamna din duhte chu anmahni leh Mizoram hlawkna tura mau a\anga thilsiamna lam ngaihven turin a ngen a, amaherawhchu, chutiang hmalakna chu ram boruak leh sik leh sa tichhe lo zawng a nih a \ul tih a sawi bawk.

Kumin World Bamboo Day hmanna thupuiah hian ‘ka mau-ka hausakna’ tih hman a ni a, hetah hian Chief Secretary, Pu Arvind Ray leh Principal Secy. Environment, Forest & Climate Change Deptt. enkawltu, Pu Lalram Thanga te pawhin thu an sawi a ni.