World Orange Festival-a Dr. Shyam Singh Best Citrus Grower Award dawngtu, Pu Lalbiaka Horticulture Department-in lawmpui

0
598
views

Maharashtra sorkar-in tun thla ni 16-18 chhunga Nagpur-a World Orange Festival a buatsaiha Dr. Shyam Singh Best Citrus Grower Award dawngtu, Pu Lalbiaka, North Vanlaiphai khua chu vawiin khan Horticulture Department-in a lawmpui a. Hemi puala inkhawm tawi, Horticulture Directorate Committee Room-a neihah, he Department Director, Dr. Elizabeth Saipari chuan, he Award hi Mizoram mai ni lo, an Department tan pawh chawimawina ropui tak a nih thu a sawi. Tun thla ni 16-18 chhunga Nagpur-a World Orange Festival-ah hian Mizoram a\angin serthlum chingtu mi 6 an tel a, tun hi hetiang Festival \um khat buatsaihna a ni a, kum tin neih chhoh tum a ni a, India ram hmun hrang hranga serthlum thar-te khawvel hriata pho chhuah chu he kut-in a tum ber a nih thu Horticulture Department hotute chuan an sawi a ni.

Dr. Shyam Singh Best Citrus Grower Award dawngtu, Pu Lalbiaka, North Vanlaiphai hian Serthlum kung, 2,700 vel a nei a. He chawimawina hian thuziak bakah tangkafai, Rs. 5,001 a keng tel a ni.