Young Indians (Yi) Mizoram Chapter hmalaknain lehkhabu ziaktu lar, thusawi thiam ni bawk, Chetan Bhagat Aizawlah chah luh a ni a, nizan khan Vanapa Hall-ah a puala inkhawm neih a ni a, hetah hian Chetan Bhagat chuan nun kawng zawh dan chungchang te, hlawhtlinna leh hlimna neih dan theih dan chungchangte mipuite a hrilh a ni.

Hemi hnu hian Folkland Park-ah ‘Meet & Greet’ hun hmangin inkawmhona, thlalak ho leh autograph te an inziah sak a ni.

Young Indians Mizoram Chapter Chairman, Pu LV Lalthantluanga chuan thusawiin, sum tam tham tak senga lehkhabu ziak mi leh thusawi thiam chahluh chu a hlawk dawn nge dawn lo tih hriat a harsa a, amaherawhchu, Vanapa Hall-a mipui pungkhawm a\ang leh zawhna leh chhanna hun an hman a\angin an thil tih chu a hlawhtling hle niin a sawi a, National Levels-a an thawhpuia Young Indians leh an programme hlutpuitu leh a hlawhtlinna atana inhmangte chungah lawmthu a sawi a ni.

Young Indians hi kum 2002-a Confederation of Indian Industries hnuaia \halai pawl din a ni a, ram siam\hatna atan leh hmasawnna atana \halaiten tha an thawh ve theihna tur pawl a ni a, Mizorama Yi chu Chapter 43-na zinga pakhat a ni.