Young Lai Association Rorel Inkhawm Chawnhu YLA Hall-ah vawiin khan neih a ni.

0
204
views

Central YLA President, Pu J. Sangthangpuia kaihruai rorel inkhawmah hian General Secretary, Treasurer leh Auditor ten Central YLA hmalak tawh leh hmalak mekna te an sawi a, hemi hnu hian Central YLA, Sub Hqrs leh Branch hrang hrang a\anga Agenda 36 lut te chu ngaihtuah tura chhawpchhuah a ni. Thu ngaihtuah tur zingah hian Lawngtlai District chhunga Chakma khaw hming te thlak tura hmalak ni se tih te, LADC Area-ah ruihhlo khuahkhirhna dan mumal tak hman a nih theih nan hmalak nise tih te, LADC Area-a VC te term kum 5 ni mek chu kum 3-a dah leh tura sorkarah thlen ni se, VC Election thuneihna Mizoram sorkara awm mek hi LADC kutah a awm leh theih nan hmalak nise tih te, LADC Area-a Contract hna reng reng hralhchhawn leh Sub-Contract a inpek khap a nih theih nan hmalak nise tih te leh LADC huamchhunga hnamdang sumdawng an pun zel loh nan hmalak ni se, tuna sumdawng mekte pawh an dinhmun zirchian ni se tih te a tel a, heng bakah hian Lawngtlaiah Gas Distributor/Agent dah belh a nih theih nan Central YLA-in hma la rawh se tih te, LADC Area huam chin ramri felfai taka siam a niha, Boundary-ah Piller fel taka phun a nih theih nan LADC te hma la tura nawr ni se tih te, chhinlung chhuak unaute an inpumkhat zel theih nan Central YLA in hmala rawhse tih te pawh rorel tura chhawp chhuah zingah hian a tel a ni. Nakum 2020 YLA General Conference thleng turin Lawngtlai Vengpui Branch thlan a ni.

Tun dinhmunah Central YLA hnuaiah hian Branch 107 a awm mek a, Sub Hqrs 6 leh Group YLA 8 leh Joint Hqrs 2 a awm a, YLA Member 46,360 an awm bawk.