Chief Minister, Pu Lal Thanhawla chuan Zawlnuam College Building thar, RUSA sum Rs.70,00,000/- senga sak vawiin khan a hawng. Hawnna inkhawma thusawiin Pu Lal Thanhawla chuan sorkarin RUSA hnuaiah College building sak thar chhoh mek a nih thu leh building hlui te pawh thawm \hat mek niin a sawi a, zirna quality \ha neih chu sorkar thil ngaihpawimawh a ni tih sawiin India rama Sainik School 27 awm zingah Chhingchhipa Sainik School hawn thar chu hmeichhe tan pawh zir theihna Sainik School awm chhun niin a sawi a ni. Chief Minister chuan zirlaite chu \ha taka lehkha zira Central Service leh State Civil Service-a inziahtlin tum turin a fuih bawk. Pu Lal Thanhawla chuan Govt. Zawlnuam College-ah National Institue of Electronics & Information Technology (NIELIT) hnuaiah Computer zirna hawn tum a ni tih a sawi bawk. Govt. Zawlnuam College hi kum 1986-ah din a ni a, kum 2007 khan sorkarin a la a, kum 2016-ah NAAC-in Accreditation a pe a, tunah hian zirlai 50 an awm a ni. Vawiin vek khan Chief Minister hian Kanhmun khuaah Indoor Stadium sak thar a hawng bawk. Chief Minister hi Tourism Minister, Pu John Rotluangliana, Pu Lalrinmawia Ralte MLA, Pu Lalrobiaka, MLA, Mamit Bawrhsap, Pi Lalbiaksangi, Mamit SP leh Officer dangten an \awiawm a ni.
