Zemabawk-ah lei minin in a hnawl

0
313
views

Zemabawk Mellimual-a Pu Ginliana in Assam Type, Pu Lalhmingthanga-te chhungkaw luahlai chu nizan dar 10 vel khan leimin-in a hnawl. Vanneihthlak takin thi leh hliam an awm lova, Zemabawk khawtlang hruaitute hnen atanga thudawn danin, tun hnaia ruahsur nasa avang khan Pu Lalhmingthanga-te kawmchhak ko hi Inrinni zan khan nasa vak lovin a lo min tawh a, hei vang hian in luahtute hi hmun himah riak chhuak a, an bungrua pawh engemawzat an thiar chhuak hman a ni. Zemabawk khawtlang hruaitute chuan, In neitupa Electric Venga awm, Pu Ginliana hi an be pawp mai thei lo tih sawiin, a thu hmu lo chuan in chhia hi an senghawi ngam rih lo niin an sawi a, an inbiak dan a zir leh a tul dan a zirin hmalak zui a ni dawn niin an sawi a ni. Khawtlang hruaitute chuan leiminna hmun hi Silpauline a khuh vat a ngai niin an sawi bawk a ni.