Zimbabwe inthlanpui neih zawh takah President ni lai, Emmerson Mnangagwa thlan tlin leh a ni.

0
416
views

Zimbabwe Electoral Commission, ZEC chuan vote tla zawng zawng chhiar hnuah Mnangagwa hian za zela 50.8 hmuin a chak tih vawiin khan a puang a, amah hnaih bertu, MDC party chuan za zelah 44.3 an hmu tih a puang bawk a ni.

Puan tawh angin Robert Mugabe-a’n kum 40 dawn Zimbabwe-ah ro a rel hnuah nikum khan paihthlak a ni a, tun hi a telloa an rama inthlanpui buatsaih a nih hmasak ber \um a ni a, a thawhpui \hin leh amah paihthlatute zing ami, Emmerson Mnangagwa-a’n a ai a awh hnuah, inthlan hi buatsaih a ni ta a ni.

Inthlan kalpui a nih lai a\ang tawh khan eptu pawl lam-te chuan inthlan hi nasa taka tihchingpen niin an sawi a, Mnangagwa-a party, ZANU-PF leh an ram sipai \angrualin an tlin ngei theih nan dik lo takin thil an ti niin an sawi a, hemi chungchang buainaah hian nilaini pawh khan mipui lungawilo pungkhawm leh sipaite inbeihnaah mi paruk kahhlum an lo ni tawh a, Mugabe pawhin a party hlui hi vote lo turin thu a chhuah nasa hle a ni.