Mugabe hi April thla khan Singapore damdawi inah dah luh a ni a, Doctor thiam tak takin an vil reng a, amaherawhchu, a kum a tam tawh vangin enkawlna mumal taka pek hleihtheih a ni lo a ni.
Mugabe hi kum 1924, February ni 21 khan Rhodesia-ah a piang a, hetih hunlai hian Rhodesia chu British-in a awp a ni.
Mugabe hian kum 1964-a Rhodesia-a rorel lai sorkar a sawisel vangin kum 10 chuang lung inah a tang a, kum 1973-a lung in a tan lai vekin Zimbabwe African National Union President atan thlantlin a ni a, chhuah zalen a nih veleh Mozambique a pan nghal a, Zimbabwe in danna turin theihtawp chhuahin Mozambique a\ang hian rawlrala Rhodesia bei turin a thawk chhuak a, Republic of Zimbabwe a sual chhuah hnu, kum 1980-a Zimbabwe ram hruaitu thlanna neih hmasak ber \um khan hnehna changin Prime Minister a ni a, kum 1987-ah prime minister office chu \hiatin President-ah a inhlangkai a ni.
Hunrei tak Zimbabwe-a ro a rel hnuah Mugabe hian mahni thu chauh hmanga rorel \hina puhna leh sawiselna nasa tak a tawng \an a, kum 2008-a president thlannaa a thawh khatnaah a chak zo ta lo a, kum 2009-a sum leh pai dehchhuah kawnga Zimbabwe-in hun harsa tak a tawh vangin Mugabe chu a khingpui nen thuneihna inhman \awm tura tih a ni a, Morgan Tsvangirai chu Prime Minister a tan dah ni a, kum 2017-ah sipai pawl an inrawlh vangin paihthlak a ni ta a ni.
