Zimbabwe President tharin a thawhpui turte puang

0
438
views

Zimbabwe President thar, Emmerson Mnangagwa-a’n a thawhpui turte a puang ta a, dinhmun pawimawh leh langsarah sipai hotute a dah nual a ni. Sipaiten Robert Mugabe-a an paih thlak hnua TV-a inlan, Major General Sibusiso Moyo-a chu foreign minister atan ruat a ni a, Zimbabwe thlawhna sipai hotu, Perence Shiri pawh Agriculture leh Land Affairs Minister thar a ni. Puan tawh angin, Robert Mugabe-a’n a ban thu a puan hnuah, Mnangagwa hi kar kal ta khan President thar atan lak luh a ni a, kum 37 thuneihna chelh tawh, Mugabe-a hian Mnangagwa-a chu Vice-president a nihna a\anga a ban avangin sipaiten an paih thla ve thung a ni. Foreign Minister thar, Maj-Gen Sibusiso Moyo hi International Relations-a Ph D a ni a, Chris Mutsvangwa pawh Information Minister thar a ni bawk.