Zirtawpni-a lirnghing leh Tsunami in Indonesia a nuai avanga thi zat chu 1200 an tling tawh tih disaster response agency in a sawi.

0
781
views

 

Hemi hmalam hian mitthi zat hi 844 nia chhinchhiah a ni a, vawiina mitthi zat puanzar leh takah 1200 hi an tling chho ta a ni. Magnitude 7.5-a na lirnhghing hian Sulawesi thliarkar a sawi a, hei hian Tsunami thlen zuiin tuipui kam khawpui Palu chu tuifawn nasa takin a khuh a ni. Chhiatna in a nuai hmuna chengte hian ei leh in tur an tla chham nasa hle a, \anpui hna thawktute chu sipaiten an veng a, in chim kara tang, chhanchhuah la nghak mek pawh an la awm rin a ni. Indonesia-a Red Cross hotute chuan biak in pakhat chirhin a khuh karah zirlai 34 ruang an hmuh thu an sawi a, heng mite hi naupang 86 Jonooge Church Training Centre-a zirlaite zinga mi an ni a, zirlai dang 52 chu an chin hriat a la ni lo bawk. Chhanchhuah hna thawktute chuan nung dama chhanchhuah theih an la awm em tih an dap zui zel a, Hotel Roa Roa ah chuan a chim laiin a chhungah mi 50 an awm a, ruang 12 hmuh a ni tawh a, mi 3 chu nungdama chhanchhuah an ni a, midang zawng chin hriat lovin an la awm bawk.