Zirtawpni tlai lam khan Punjab Amritsar khawpuiah rel-in Dussehra lawm tura pungkhawm mi 60 chuang a chil hlum.

0
411
views

 

Chhiatna thlenna hmun hi Dhobi Ghat-ah a ni a, rel hi Jalandhar a\anga Amritsar pana kal a ni a, Dussehra lawmna hi rel kawng a\anga metre 80 vela hlaah buatsaih a ni a, rel a tlan lai hian Hindu pathian, Ravan-a lim hal a nih bakah halpuah \hahnem tak hal a ni a, hemi hma hian Dussehra lawmna huaihawttute hian mipui chu tawlh hnung deuh tura an tih avangin rel kawng hnaih lamah hian mi \hahnem tak an awm a ni. Police-te chuan halpuah puak ri leh thawm dang a tam avangin pungkhawmte hian rel tlan thawm hi an hre lo niin an sawi a ni. State CM Captain Amarinder Singh chuan chhiatna thlenna hmun hi a tlawh nghal a, chhiatna thlen dan chhui chiang turin Magisterial Inquiry din a nih nghal thu leh kar li chhunga police hnena report thehluh a nih tur thu a sawi a, thi chhungte hnenah zangnadawmna cheng vbc 3 \heuh pe turin Amritsar DC a hriattir nghal bawk a ni. He thil thlengah hian mi 60 vel hliam an awm a, an zingah hian dinhmun ngaihtuahawm tak tak pawh an awm tih thuneitute chuan an sawi a, hei vang hian thi zat pawh hi a la san belh thei tih an sawi bawk a ni.