ZNP, MPC leh ZEM-in an thawhhona hming atan Zoram People’s Movement

0
865
views

Nakkuma Assembly inthlan lo awm tura tangrual pawl, ZNP, MPC leh Zoram Exodus Movement-in an thawhhona hming atan Zoram People’s Movement (ZPM) an vuah a, vawiina MPC pisa-a an thutkhawmnaah hei hi lungrual takin an pawm tih thuchhuah siamin an sawi. ZPM hian an thawhhona khaikhawm tur leh kutke atan member 15 awmna, Steering Committee an din nghal a, ZPM uaptu tur leh viltu tur, Val Upa Council pawh siam nghalin, pawl pathum atang hian Val Upa Council-a tel tur mi 2 theuh ruat nghal an ni bawk. Zoram People’s Movement Steering Committee leh Val Upa Council hi tun thla ni 5, kar leh Thawhlehni khian a huhova thu khawmin, hruaitu tur an insiam fel ang a, hun remchang hmasa berah Zoram People’s Movement hawnna inkhawm leh hruaitute hlanna vantlang inkhawm buatsaih a ni ang a, a duh apiang tel theih a ni dawn tih ZPM thuchhuah chuan a sawi a, vawiina an thutkhawmna hi MPC Treasurer, Pu Michael Lalthanmawia’n a kaihruai a, pawl pathum atang hian mi pathum theuh an tel tih an thuchhuah chuan a sawi bawk.