ZNP President-in ZPM-in an ngaih pawimawh turte a taka tihhlawhtlin a nih tur thu leh mipuite ring ngam tura a duh thu sawi

0
276
views

ZNP President, Pu Lalduhoma’n |angrual pawl, Zoram People’s Movement-in thuneihna a chan chuan an ngaih pawimawh tur, an tarlan chu a taka tihhlawhtlin a nih tur thu leh mipuite chu ring ngam tura a duh thu a sawi a. Vawiina ZPM kalphung thar, mipui sorkar siam tura an thil tum tarlan lehkhabu tlangzarh inkhawmah he thu hi sawiin, hruaitu \har leh \ha zawk an awm chuan ram kalphung a inthlak \hin a, chumi tihhlawhtlin chu ZPM thil tum ber a nih thu a sawi. Pu Lalduhoma chuan, chak zawka hmasawn tur chuan kalphung \ha a awm a ngai tih sawiin, China-in chak taka hma a sawn theih chhan chu kawng dik an zawh vang a ni a. Hetiang bawk hian \henawm state – Tripura te, Gujarat leh Bihar-in chak taka hma an sawn theih chhan chu kalphung dika an kal vang a ni a, hetiang kalphung hi Mizo mipuite pawhin zawh ve an duh a, duh ve satliah ringawt chu hmasawnna a nih si loh avangin kawng dika mipuite hruai turin ZPM chuan \an a la dawn niin a sawi. Mizoram chu state puitlinga hlan kai a nih a\anga kum 30 hnuah pawh sem Policy bak kalpui a la ni ngai lo nia sawiin Pu Lalduhoma chuan, he kalphung hi tihbo a, hmasawnna tak tak thleng tura ke pen a \ul tawh hle niin a sawi a. Party \henkhatin NLUP, NEDP leh SEDP an tih chu mipuite an hmangaih vang emaw, hmasawnna an duh vang emaw ni lovin, vote zawnna satliah nia sawiin, mi retheihna hmang \angkaia vote zawnna politics rapthlak tak a nih avangin kumina Assembly inthlanpui lo awm tur pawh hi \ha leh sual indo-na a ni dawn niin a sawi.

Pu Lalduhoma chuan, tuna Mizoram dinhmun hi a chhiat tawh em avangin Kohhran leh Pastor rualte an mangan avangin an pen chhuak \an mek nia sawiin, Neutral hun a ni tawh lova, ram siam \ha tura pen chhuah a hun tawh takzet niin a sawi bawk. Zawhna chhangin ZPM hruaitute chuan, thuneihna an chan chuan VIP culture tibo-in mipui nena inhnaih thei ang ber leh hautak lo thei ang bera an kal tur thu an sawi a. Hemi atan hian mipui sukthlek tihdanglam a, MLA-te chu mipuiin pan lova, MLA-ten an pan zawk theih nan \an lak a nih tur thu leh tun hnaia Mipui Buhzem hmanga \anpuina an khawn pawh MLA-ten sorkar sum eiru lova ram rawng an bawl theihna tura ruahman a nih thu an sawi a. Minister leh MLA zingah inthlanna atan cheng vaibelchhe tel vel an sen thu, zak lova sawi ngam an awm chu \ha lo an tih thu sawiin, hei hi eirukna bul\anna a nih avang leh ram tana mi \ha tak tak, sum neih loh avanga MLA-a ding ngam lote koh chhuah nan Mipui Buhzem an siamah \anpuina pe turin mipuite an sawm nghal a ni.