Zokhawthar kaltlanga Myanmar a\anga bunraw lut leh chhuak buaipui inchuha harsatna thleng chinfel a nih tawh hnuah Importer-Exporter Code Holder Association-in he thil hi dan anga relfel turin sokar an ngen.

0
465
views

Importer-Exporter Code Holder Association hian Myanmar a\anga bungraw lo lut, Mualkawi-a hlan thlak phawt a nih hnua a thara phurh chhuah leh a ngai \hin chu \ul lova sum leh tha senbelhna bakah bungraw ti hmelhemtu leh ti chhetu a ni an ti a, Champhai Transport Union member ni ve lo te tana bungrua te phurh phal a ni ve lo chu \ha lo an tih thu sawiin Mizoram sorkar chu inrawlha relfel turin an phut tih an sawi.

Champhai Transport Union leh Zokhawthar All NGO ten Myanmar a\anga bungraw chawk luh phurh chungchangah inrem lohna an neih avangin March ni 25 a\anga April ni 23 thleng khan bungrua zawng zawng dan vek a lo ni tawh a, March ni 23 khan pawl pahnihte hi Adll. Home Secretary Pu Lalbiakzama kaihhruaina hnuaiah inbia-in an inrem a, Champhai a\anga bungraw phurh leh Zokhawthar a\anga bungraw phurh te chu Mualkawi ramchhungah in hlan chhawn nise an ti a, Zokhawthar a\angin ZTU-in bungrua phurin Mualkawi thleng an dah ang a, Mualkawi a\angin CTU lamin bungrua te hi phur ve leh turin inremna an lo siam tawh a ni.