Zokhawthar VC leh All NGO Co-ordination Committee-in pawl bil leh mimal \anghma hlawk duhna vangin tun hnaiah Zokhawthar kaltlanga Myanmar nena insumdawn tawnna a kal tluang lo \hin niin an sawi a, he sumdawnna hi tluang tak leh zalen taka a kal zel theih nan Zokhawthar khawtlang chuan hma a la zel dawn tih an sawi.

0
435
views

Thuchhuah an siamah Zokhawthar VC leh All NGO Co-ordination Committee chuan, tunlaia Media hrang hranga Zokhawthara bungraw thleng lo dawnsawn leh thawnchhuah chungchangah thudik tawk lo thehdarh a ni an ti a. An khuaa bungraw thleng lo dawnsawn leh thawnchhuah chu hmun dang a\anga eng Pawl leh Society mahin an thawh an remti lo a, hetihrual hian an khuaa bungraw lo lut hmun hrang hranga thawndarh chu All India Registration Certificate nei leh Public Carrier Vehicle te chuan zalen takin an ti thei turah an ngai tih an sawi.

Nimina IEC Code Holder inti Aizawla kalkhawmten sumdawngte hnen a\anga tukluih chhiah la anga an sawi chu tuten emaw an lo la a nih chuan an hriatpui lo tih an sawi a, hetihrual hian Zokhawthar khawtlang chuan bungraw phurtute nena an inremna anga lirthei neitute hnen a\anga an lak bak sumdawng hnen a\angin pawisa an la lo niin an sawi.