Zoram Management Association (ZOMA)-in mahnia hmalak ngaihna hre lote pui turin an pawl chu tun hnai khan din a ni tih an puang.

0
240
views

 

Vawiina Aizawl Press Club-a thuthar lakhawmtute an kawmnaah an pawl President, Pu RL Rinawma chuan ram dang leh India ram chhung State danga an tih \hin angin an pawl chu Management lama Master Degree nei rual kalkhawmin an din a ni tih a sawi a, hmun hrang hranga Management Association chu anmahni ham\hatna atan thawktu ni lovin midangte \anpui tura din an ni a, hetiang bawk hian an pawl pawhin hma a la \hin dawn niin an sawi. Zawhna chhangin, Pu RL Rinawma chuan an pawl thil tum leh din chhan chu mipui leh ram hruaitu zinga kaihhruaina mamawhte pui tur leh mahni kea ding duh, hmalak ngaihna hre lote kaihhruaia, an din khawchhuah theih nana kawng dik kawh hmuh chu an tum ber a ni tih sawiin an hmalakna hrechiang duh tan an pawl hruaitute hnenah zawhfiah theih reng a ni tih a sawi.