Zoram Peoples’ Movement pisa hawng

0
590
views

Kumin atan |angrual pawl, Zoram Peoples’ Movement pisa chu vawiin khan hawn a ni a. Hemi puala inkhawm, Treasury Square-a an pawl Pisa a neih chu ZPM Steering Committee Chairman, Pu Lalliansawta’n a kaihruai a. ZPM General Secretary, Pu K.Sapdanga chuan, ZPM-in thuneihna a chan chuan mipuite chu sorkar kutah dah lovin, sorkar chu mipuiin an duh hun huna an hman \angkai atan mipui kutah an innghat tawh zawk dawn a. Mipuiin hmantlaka an ngaih chuan an hmang \angkai ang a, hmantlak lohva an ngaih chuan an hnawl mai dawn niin a sawi. Pu K. Sapdanga chuan, ZPM-in Zoram dinhmun siam \ha tura meichher an chhit chu kumina Assembly inthlanpui neih hunah a hlawhtling lo a nih pawhin a mit tur a ni lova, tun aia chak lehzuala an kal zel tur thu a sawi. ZPM chu thla 3 vel chauh a ni tih sawiin, nikum October thlaa ZPM din a nih thu puan a nih hnuah District khawpui tina an inpho chhuak tih loh chu hma lakna tak tak an la nei lo chungin, tun hnaia zirna in pakhatin mipui ngaihdan a laknaah sorkar ding lai thlak duhna a lian hle a, an pawl chuan rin a kai nghal hle niin Pu K. Sapdanga chuan a sawi a, hei hi ngai\hatna atana hman chi ni lo mah se, an hnathawhin awmzia a nei tih a tilang chiang hle niin a sawi. Tunah hian mipui rilruah sorkar ding lai thlak duhna lian tak a awm mek a, Neutral chauh ni lovin, a hminga Party-a awm mekte zingah ngaihdan thar a piang mek a, Party bil sorkar ni lo, mipui zau zawk huap thei tur sorkar siam duhtu an pung mek zel niin a sawi bawk. ZPM General Secretary chuan, tuna India politics dinhmun thlirin Mizoramah a hun hmaa inthlan a ngai mai thei a, chumi hmaa Mizoram chhung khaw tin tlawh chhuah a, chhungkaw tinte hnena chibai buk hman tum a ni a, hei hi an Party NLUP ve tur niin a sawi. Inthlan a hnai tial tial ang a, serh leh sang a tlem tial tial dawn tih sawiin Pu K. Sapdanga chuan hetiang hunah pawh hian an Party mite chu mi dang-te tih anga ti ve thei an ni lo tih hre reng turin a chah a ni.

He inkhawma hunserh hmangtu, Commissioner Lalkiamlova chuan, ZPM chu ram a chhiat zel lohna tura daitheu tura Pathian ruat a nih a beisei thu a sawi a. Hun kal tawha hruaitu \henkhatin ram an enkawl dan chu mahni \anghma haina chauh nia ngaih theih anga a lan thu leh, midang ta enkawl hawh ang mai nia a lan thu sawiin, ram hmangaihna chu mipui hmangaihna a ni tih a sawi a. Mizo mipui zaa 60 vel, tlangram lo neia eizawngte hian tun thlengin enkawltu mumal an la nei lo nia sawiin, heng mite hi ngaihsak an nih loh chuan hmasawnna hna hrang hrang thawh ni \hin mah se, hmasawnna khingbai bak a thleng thei dawn lo niin a sawi bawk.