Zoram People’s Movement South Block Office, Zemabawk Venglaiah hawng

0
402
views

Aizawl East-I bial chhunga Zoram People’s Movement South Block Office, Zemabawk Venglaia siam chu tukin khan ZPM General Secretary, Pu K. Sapdanga’n a hawng. Hawnna thu sawiin Pu K. Sapdanga chuan Mizoramah kum 30 chuang roreltu ngaiin ro an rel tawh a, heng mite hian rorel hi ngaiah an nei tawh a, tunah chuan sorkarin kawng a siam fuh thei lova, lei a dawh fuh thei lova, hemi avang hian kalphung thar leh ngaihtuahna thar hmang tur leh a ngai kal te buk an ni dawn a, hemi rual hian vote lei nana sum sem tum te pawh an awm nia sawiin mipuite chu ngaihtuahna thar neia phur taka vote thlak turin a fuih a ni. He inkhawma thusawitu dang Pu Vanneihtluanga pawhin Mizo zingah thil \ha duh lo, ngawhngawl tlat an tam lo tih sawiin, ram hruaitu \ha neihna tura an vote hralh lova an duh thlanna dik taka hmang turin mipuite a fuih a, thil sem dawngtu nih tum lova, a sem thei tu nih tum turin mipuite chu a fuih bawk a ni. He inkhawmah hian Pu PL Liandinga pawhin thu sawiin zirtirtu pakhatin zirlai 80 vel lai an enkawlna sikul a awm laiin zirtirtu hlawh tam tak zirlai nei mang lo te an awm a, kawng chhiat vangin motor-a kal nan hun tam tak hloh a ni bawk a, hengte hian Mizoram \ha leh nuam siam a \ul zia a tilang niin a sawi a ni. He inkhawm hi ZPM Aizawl East-I South Block President, Pu KC Lallianmawia’n a kaihruai a ni.