Zoram Peoples’ Movement, (ZPM) in member 40 awmna, Mizoram Assembly inthlanna, November ni 28-a neih tur a an Candidate tur mi 35-te hming vawiin khan an puang.

0
860
views

 

Mizoram chhim lam a bial 5-a an Candidate turte hming erawh chu hun remchang hmasa a puan turin an dah a, Vawiin chawhnua Aijal Club-a inkhawmah Candidate turte hming hi Valupa Council Chairman Pu Lalfakzuala’n a puang a ni.

Chief Minister Candidate Pu Lalduhoma chuan Aizawl West I leh Serchhip bialah a chuh kawp dawna, Pu Lalhmangaiha Sailo in Aizawl West-II-ah a chuh anga, Rev. Dr. K Thanzaua’n Lunglei South-ah, MLA hlui Pu Vanlalhlana’n Aizawl North-I-ah, MLA hlui Pu Lalthansanga’n Hrangturzo bialah, Pu K. Sapdanga’n Aizawl East -I bialah, Hachhek bialah Pu H Lallianzuala, Dampa ah Pi F Lalrintluangi, Mamit-ah Pu C Zothansanga, Tuirialah Pu Andrew H Thangliana, Kolasibah Pu Lalfamkima, Serluiah Pu Lalmuanpuia Punte, Tuivawlah Pu K. Romawia, Chalfilhah Pu F Rualhleia, |awiah Pu R Lal\hatluanga, Aizawl North II-ah Dr. Vanlalthlana, Aizawl North III-ah Pu C Lalhmingthanga, Aizawl East II-ah Pu B Lalchhanzova, Aizawl West III-ah Pu VL Zaithanzama, Aizawl South I-ah Pu C. Lalsawivunga, Aizawl South -II-ah Pu Lalchhunthanga, Aizawl South III-ah Pu RD Lalrammawia, Lengteng bialah Pu Ginzalala, Tuichangah Pu W Chhuanawma, Champhai North-ah Pu C Lalchhawnthanga, Champhai Southah Pu C Lalremliana, Eeast Tuipuiah Pu C Laltanpuia, Tuikumah Pu PC Vanlalruata, South Tuipuiah Pu Phairothanga, Lunglei Northah Pu V Malsawmtluanga, Lunglei Eastah Pi Lalrinpuii, Lunglei West-ah Pu Lalnuntluanga Sailo, Thorangah MLA hlui Pu Lalrinzuala leh West Tuipuiah Pu B Vanlalauva te an ni.

ZPM hian Mizoram chhim lama Assembly bial 5-ah an Candidate tur an la puang thei lova, chung bialte chu Tuichawng, Lawngtlai West, Siaha leh Palak-te an nia, an pawl hruaitute chuan heng bial 5 a an Candidate turte chu an puang thuai dawn niin an sawi.

ZPM Candidate-te hi Valupa Council Chairman Pu Lalfakzuala chuan rinawmna thu a tiam tir a ni.

An thutiam lehkha a ziakah chuan Candidate tinte chuan an hming an ziahhnan vek a, chu chu Salvation Army-a Commissioner, Lalkiamlova, Chief Secretary hlui, Pu Vanhela Pachuau leh Rev. Lalzuithanga ten hriatpuiin an hming an ziah hnan a ni. An thutiam hi Copy 2-a siam a nia, Copy 1 chu Candidate ten an kawl anga, Copy dang chu Valupa Council-in a kawl dawn a ni.

An thutiam hi point 8-ah \hen a nia, chungte chu ZPM in kalphung thar nei, mipui sorkar, ram leh hnam damna sorkar, langtlang thei, hlemhletna laka fihlim siam a tum tih hriain MLA ka nih hunah ZPM thuthlung leh Election Manifesto a chuangte vuan tlatin thil ka ti ang tih te, MPF kaihhruaina leh Election Commission Model Code of Conduct ka zawm tlat ang tih te, thlantlin an nih chuan ZPM thuneitu thu zawma dinhmun atana an ruat ang ang leh mawhphurhna pekte an pawm dawn thu te, Nomination an thehluh ruala an thil neih hlu tarlanna lehkha Copy chu kar khat chhungin Valupa Council kutah an pek dawn thute, chu chu hlemhletna a inhnamhnawiha puh an nih chuan a \ul dan anga hman an remtih thu te, chhungkhat leh an laina hnaite duhsak bik lo tur te, Pawl dang nena thawhho leh inzawm chungchangah te, nihna leh dinhmun chungchangahte, ZPM thuneitute thu an zawm tlat tur thute, eng dihmuhah pawh ding se, danin a phal bak ham\hatna beisei lo turte, an dinhmun avanga ham\hatna leh hlawkna siam chawp theih chi thila inhmanhnawih lo tur te in an intiam a, an thutiama thil hriat thiam loh awmte chu Valupa Council hrilh fiah tur a ni dawn bawk.

Candidate te chanchin tawi ZPM Chairman Pu Lalliansawta’n a sawi a, an Candidate te chu kum 30 leh kum 72 inkar an ni tih sawiin an zingah hian Reverend 1 leh upa 6 an awm a, thiamna lama sang tak tak te pawh an awm tih a sawi bawk.

Candidate te hi Valupa Council member Rev. Robawiaha’n a fuiha, Pathian thu anga, rinawm taka nung tur leh thil ti turin a chah a ni.