Zoram Research Foundation buatsaiha Bru chungchang leh a kaihhnawih buaina awmte sawihona neihah sorkar laipui, Mizoram Bru Displaced People Forum, Mizoram sorkar leh Tripura sorkar aiawhten kumin July ni 3-a inremna thuthlung an lo siam tawh chu tihzuzi a nih loh nan \an lak a \ul tih tarlan a ni.

‘Consultation on Bru Issue’ tih hi nimin khan Aijal Club-ah neih a ni a, hetah hian Mizoram sorkara Chief Secretary hlui mi pali, Home Secretary lo ni tawhte, DGP leh IGP lo ni tawhte, MUP President leh Central YMA President Pu Vanlalruata ten thu an sawi a ni. An thil sawiho zingah chuan Tripura Bru Relief Camp-a awm mi \henkhat hearing nei lova Mizoram Electoral Roll-a thun thar awm chu dik lo an tih thu te, a thuntu sorkar officer thil tih dan chu Mizote tana thil \ha lo nia an ngaih thu te an sawi a, inthlanna atana inbuatsaihna kaihhnawiha Home Secretary Pu Lalnunmawia Chuaungo sawn chhuah a nih dan chu thil tih dan phung pangngai ang ni lo leh Election Commission hleihluak taka a chetna niin an ngai a ni. (