Zoramthar pawl President, Pu Zaichhawna Hlawndo-in Mizoram chhiatna chhan bul ber chu Politics dik lo, Party Politics-in thuneihna a chan vang niin sawi

0
466
views

Zoramthar pawl President, Pu Zaichhawna Hlawndo-in Mizoram chhiatna chhan bul ber chu Politics dik lo, Party Politics-in thuneihna a chan vang niin vawiina Aizawl Press Club-a thuthar lakhawmtute a kawmnaah a sawi. Mizorama Political party hmasa ber kum 1946-a din Mizo Union chu vairam Politics-in a tiphel a, hemi avang hian Mizo leh Mizo an inbei a, Lal thlengin beih a nih thu sawiin, Mizoram Politics bultanna chu a dik loh avangin rorelna tha a awm thei lo niin a sawi. Pu Zaichhawna Hlawndo chuan, vawiin thlenga sorkar kalphung a that theih loh chhan leh Sorkar hnathawkte an dik theih loh chhan chu Politics bultanna dik loh vang leh hei hian sumdawnna, Kristianna leh Mizo khawtlang nun thlenga a nghawng vang niin sawi a. Kumina Mizoramin Assembly inthlanpui neih hunah hetiang kalphung tha lo hi Pathianin Mizoram atangin a la bo dawn a, Isua Lalna Zoram thar a din dawn tih sawiin, a hmanrua atan an Zoramthar pawl chuan Assembly bial 40-ah bawm a hung dawn a, hemi hmang hian Mizoramah Sorkar thar an din dawn niin a sawi. Pu Zaichhawna Hlawndo chuan, entik ni-ah emaw chuan khawvel hmun hrang hranga Zo hnahthlakte chu rorel khawl pakhat hnuaiah an la awm khawm dawn niin a sawi a, Mizoram chu India Sorkar hnuai atangin ala talchhuak dawn niin a sawi bawk.