ZPM Chief Minister Candidate, Pu Lalduhoma chuan Mizoram mipuite tihsual lian ber chu pute an kal dik tawh lo a ni tih hriatchian a nih hnuah pawh la campaign pui zel hi a ni ti.

0
319
views

Aizawl South III ZPM Joint Block Conference vawiina Samlukhaia neihah he thu hi sawiin, Pu Lalduhoma chuan inthlan hmaa ZPM-in Pathian leh mipuite hmaa a thutiam a hlen lo a nih chuan zui zel tlak an ni dawn lo tih hre turin mipuite a chah a, zui tlak an nih tawh loh hnuah chuan mipuite chu anmahni aia \ha leh zui tlak zawng zui mai tur an ni tih a sawi a ni.

Pu Lalduhoma chuan awmna party sawn vanga an thusawi leh auhla sawn \hin an awm niin a sawi a, MNF leh Congress sorkar chu nachhawkna nena tehkhinin heng sorkar pahnihte hian kum 32 chhungin Mizoram an tihdam theih loh avangin mipuite an na zual zela, tunah chuan damdawi thar ZPM an ei ve a ngai ta niin a sawi a ni.

He inkhawmah hian ZPM Sr. Vice Chairman, Pu F. Rodingliana pawhin thusawiin Mizoram chhe mek chu siam\hat a ngai a, a siam\hatna chu mipui sorkar kalphung thar nei niin a sawi a ni.

He inkhawmah hian Aizawl South-III bial vil tura ruat, Pu RD Lalrammawia pawhin thu a sawi a, Mizoram chu vengtu nei lo, hnamdangten an endawng mek ang nia sawiin, hetiang dinhmuna Mizoram awmna chhan chu ram hruaitu \hat loh vang niin a sawi a ni.

Aizawl South-III ZPM Joint Block Conference hi Block II President, Pu Malsawmtluanga’n a kaihruai a ni.

Hemi hmalam hian Pu Lalduhoma nimin khan hian Thenzawl tlawhin vantlang inkhawmah thu a sawi a ni.