Hawnna inkhawma thu sawiin Pu Lalduhoma chuan chuan tunah hian Mizoram mipuite chu politics-ah an \hangharha, tunhma lama an Party Candidate a nih chuan vawkpui pawh ka vote ang ti \hin khan ram leh hnam dinhmun ena vote thlak turin thutlukna an siam ta niin a sawi a, mithiamten mipuite ngaihdan an laknaah chuan sorkar turin ZPM an ring nia sawiin, an pawl chu \halai mithiam rual leh nuho zingah a tla na hle niin a sawi a ni. Pu Lalduhoma chuan corruption do kawngah te, ramdang mi Mizorama awm te chungchang leh ramri chinfel kawngah ZPM chu party dangte aia danglam bika hmalak tum niin a sawi a, ramri chinfel nan boundary commission din tum a ni a, Chakma foreigner te chu dan hmanga hnawhchhuah an ni dawn niin a sawi a, Kohhranin zu zawrh leh sem policy neite hnawl ngam tura Pulpit tlang a\anga mipuite an ngenna chu hre reng turin mipuite a fuih bawk. Pu Lalduhoma chuan ZPM chu corruption chungchanga hminghliauna nei lote awmkhawmna leh eirukna laka fihlim sorkar siam tum niin a sawi a ni. Pu Lalduhoma chuan ZPM, ZNP leh BJP inzawmna nei nia sawi chu thudik lo a ni tih sawiin, Mizorama Political Party zinga BJP nena inzawmna nei chu Congress leh BJP niin a sawi a, Chakma Autonomous District Council-ah heng party pahnih te hi an thawkdun a, chumi bakah BJP din, North East Democratic Alliance-ah BJP leh MNF an thawkdun bawk a, Tripura BJP General Secretary, Fatima Bowmik chuan inthlan zawhah MNF leh BJP chu an thawhdun dawn niin a lo sawi niin a sawi bawk.
