Zoram People Movement hruaituten Mizoram hmun hrang hranga beihpui thlak zui zelin nimin zing khan Hnahthial Bazarah vantlang inkhawm an buatsaih a, Pu PL Liandinga leh Pu Lalduhoma’n an thil tum an sawifiah a ni. Pu PL Liandinga chuan inthlannaah party hrang hrangte chu tlin tumin nasa takin an inbei \hin a, an inbeihnaah chuan an party thil tumte tarlan \hin a ni a, mahse thlan tlin an nih tawh hnuah chuan mi zawng zawng huap sorkar an nih tawh avangin ZPM chu thlan tlin a nih chuan party dang mite thliarna nei lovin hna a thawk mai dawn niin a sawi a, Congress emaw, MNF emaw leh anmahni vote lo tute pawh |angrual pawl chuan a en hrang dawn lo niin a sawi. Pu PL Liandinga chuan MNF leh Congress sorkar hnuaiah mipuiten hun rei tak an hmang tawh a, sorkar a\anga thil sem hmangin mipuite tihchangkan an ni dawn lo tih ZPM chuan a hre tawh a, ram changkangin changkanna turin thil semin bul an \an tih hriat tur a awm loh bakah a mipuite hnena tangkafai sem a awm ngai lo niin a sawi a, heti chung hian Mizorama party lian pahnih a\ang hi chuan he thil chin hi a bo thei dawn lo nia sawiin, mipuiten an mamawh ber chu dikna leh rinawmna hmanga ro rel a ni zawk niin a sawi.
ZNP President, Pu Lalduhoma pawhin Indian National Congress chu khawvela party corrupt ber 4-na a tling niin a sawi a, tuna Mizorama rorel mektu, Congress party chu Indian National Congress party note a ni tih sawiin, President’s Rules-ah hun rei lote chhung Mizoram a awm bak chu MNF leh Congress party rorelna hnuaiah Mizoram hi kum 33 a awm tawh a, hemi chhung hian hmasawnna lian tham mipuite tana siamsak a awm lo niin a sawi a ni.
