Hetah hian Rev. Vanlalbela leh Rev. Lalzuithanga ten thupui hrang hrang pali ‘Mizoramin rorelna \ha kan mamawh’ tih te, ‘ZPM inpumkhatna leh chak theih nan’ tih te, ‘Hnehna chu Lalpa ta a ni’ tih leh ‘Mahni inbun ruah a ngai’ tih hmangin Pathian thuchah an sawi a ni.
Rev. Lalzuithanga chuan, tuna Mizoramin a mamawh ber chu Lalpa \ihna nena dik tak leh huaisen taka rorel niin a sawi a, hei hi a thlen theih nan mahni inhlanthar turin candidate te a fuih a ni. Rev. Lalzuithanga chuan hmasawnna tam tak thleng mah se, a dawngtute thinlung herrem a nih loh chuan awmzia a awm loh avangin rorelna kalphung chu Pathian thu nen kal kawptir a \ul tih a sawi bawk.
Rev. Vanlalbela pawhin thusawiin Dan chu kengkawhtu an awm loh chuan amah ringawt chu thil awmze nei lo a nih avangin a kengkawhtute chu an pawimawh a, tun dinhmunah Mizoram chu India ram State hrang hrang zinga sualna chi hrang hrang thleng tehna a\anga a sang ber pawla a lang chu thil \ha lo a nih thu sawiin, a ram neitu roreltuten an mawhah la ngam se, a siam\ha turin theihtawp chhuah se a duh tih a sawi bawk a ni.
An inkawmhona kaihruaitu, ZPM Senior Vice President, Pu F. Rodingliana pawhin Zoram ringtute chu an mimal nun \heuhah Pathian nen leng dun tura an inpuahchah a ngai a ni a ti a, mimal tinte chu Pathian nen lengdun thei tura rilru thar nena inbuatsaih a \ul hle niin a sawi a ni. He Spiritual Day hmann inkhawmah ZPM candidate tura ruat mi 33 an tel a, damloh vang leh hmun danga zin bo vanga mi \henkhat tel thei lo an awm bawk.
