ZPM in Tuikuk te Mizoram pawna vote thlak tir tumna chu an duh loh thu leh an vote neihna hmun Polling Station \heuhah chauh vote thlak tir an duh thu an sawi a, dik lo taka Roll Revision kalpuia Election Official te hriatpui lova Roll a thunte pawh ennawn leh anih loh chuan hman zui loh an duh thu an sawi.

0
380
views

 

Election Commission of India in Mizorama tlawmngai pawl intelkhawmte inremna a lo siampui tawh palzuta Tuikuk te an awmna Tripura Camp-a vote thlak tir tumna chu an duh lo tih an sawi a, Duat taka Mizo ten an enkawl, ram leilung fa ni lovin Central Sawrtkara Mizote hek a, thudik finfiah tum lova mualpho thei ang ber Mizoten beih an tawk \hin chu thinrim thlak an tih thu ZPM chuan an sawi a, CEO SB Shasank chuan mizote a tham lovin a zah lo hle nia an hriat thu sawiin, India Sorkar chuan dah nawn leh ngai tawh lo se an duh tih an sawi

Mizoram Home Secretary Pu Lalnunmawia Chuaungo chunga dik lo tak a rorelna kalpuiah Election Commission chu an puh bawk a, a rang thei ang bera a Post ngai a dah let leh tura phutin, ZPM hi sorkarna a siam anih chuan Pu Lalnunmawia Chuaungo la let leh turin theihtawp an chhuah dawn niin an sawi a, Mizoram chhunga sorkar hnthawk lian Post pawimawh tak tak hnamdang hlir chelh tirah Congress Sorkar chu puhin, ZPM sorkar a din chuan post pawimawh zual zohnathlak ten an chelh theihna turin hma an la dawn niin an sawi.

Hnatlangpui neihna hmunah MZP President Pu L Ramdinliana Renthleiin NGO Coordination Committee in Party tinte Chakma Candidate nei lo tura an genna Party zawng zawngin an bawhchhe vek tih a sawi chu thudik a ni ZPM chuan an ti a, ZPM chu Party ni lovin, Movement a ni a, ZPM chuan Chakma Candidate a dah ve lo a ni an ti.