ZPM Leader, Aizawl West II biala ZPM candidate, Pu Lalhmangaiha Sailo chuan khawvela Economy \hang chak ber berte chu kawlphetha hnianghnarna ram an ni a, ZPM-in thuneihna a chan chuan an thil tum chu kawlphethaa intodelh a ni dawn tih a sawi.

0
365
views

 

He thu hi Vaivakawn ZPM Local Steering Committee-in Vaivakawn MPF Local Forum kaihhruainaa vantlang inkhawm an neihah a sawi a, Pu Lalhmangaiha Sailo chuan tuna Mizoram dinhmun thlirin ram hmasawn zawkte anga kawlphethaa intodelh chu a la hla hle a, hemi kawngah hian dem tur an awm a nih chuan Congress leh MNF party bak dem tur an awm lo nia sawiin Mizoram hi India ram State zingah tehna hrang hrangah a la hnufual hle a, hei hi Infrastructure leh kawlphetha lama a intodelh loh vang a ni a, ZPM a sorkar hunah chuan kum 5 chhungin kawlphethaa intodelh hman an tum dawn niin a sawi.

He inkhawmah hian ZPM Sr. Vice Chairman, Pu F. Rodingliana pawhin thusawiin, inthlan lai chauh ni lovin sorkar an siam hunah pawh Democracy hi a takin an kalpui dawn tih a sawi a, ZPM chu Mizo mipui tana ding tur an nih angin party rilru puin sorkar an siam ve dawn lova, Mizoram Budget-ah mipui nawlpui huapzo turin ruahmanna an siam dawn niin a sawi.