ZPM leh Congress Coordination Committee Chairman, Pu K. Sapdanga’n Lok Sabha member thlanna leh Aizawl West I bial Bye Election-a Candidate in\awm an neih chhan chu dan hmanga Kristian sakhaw nekral tumna dodal duhna vang chauh niin a sawi.

0
432
views

Vawiina Aizawl Press Club-a thuthar lakhawmtute a kawmnaah Pu K. Sapdanga chuan, Congress leh ZPM chu nimin lawka nasa taka inbei, an chilper em pawh a hul hmaa MP candidate an in\awm ta mai chu mipui zingah hre thiam lo an awm tih an hria tih sawiin, Congress leh ZPM chu tualchhung politics-ah chuan policy inkalh tlat, rorel tum dan inpersan leh kalphung inang lo tak an ni a, heti chung hian Mizote sakhaw zui ve Kristian sakhua chu Dan hmanga nek ral a, sakhaw lian zawk Hindu sakhua zui vek tura Danpui her rem tumna a awm a, hemi tihhlawhtlin tumtu BJP chu tun inthlan lo awm tura an chak a nih chuan Mizote tan a him loh theih dawn avangin lungmuang taka Kristian ni duh Mizo nih duh chuan, tih tur kawng khat a awm a, chu chu BJP tlin lohtir a nih avangin he thawh hona hi a lo piang ta a ni, a ti.

Pu K. Sapdanga chuan, Mizoram, Mizo hnam leh Kristian sakhua humhalh duhtu zawng zawngte chuan MP inthlan lo awm turah hian, BJP thlawp lo tur candidate pakhat intawm neih \ha an tih avangin hemi atan hian hma an la a, MNF unaute pawhin hei hi hai lo mahs e, MLA inthlana an tha ba chu rulh a ngaih avangin he thawh honaah hian an tel ve thei ta lo mai a ni, a ti a. Heti chung hian an hotu tam zawk chuan, MP thlan zawh thuai thuai a, NDA leh NEDA a\anga inlak hran a, zalen taka mahni sakhua humhalh ve theih tawh an chak hle tih an hria tih sawiin, tun hun pawimawh bik, politics hmanga sakhaw indonain a vawrtawp a thlen laia an rilru ang lo zawnga inlantir a ngai chu a ruk chuan hrehawm an ti hle niin an hria a, an lainat em em a ni, a ti. BJP chu Kristriam-te tan an hnawksak hle tih sawiin, Pu K. Sapdanga chuan, tharum hmangi Kristiante kut an thlak a, ram dang \anpuina an dawn \hin pawh tihtawpsak niin, ram danpuia sakhaw zalenna paih an tum tih sawiin, hetiang hi a nih avangin Kristian sakhaw humhim duhtu zawng zawng chu mipui candidate, Pu Lalnghinglova Hmar vote vek turin a sawm a. Pu Lalnghinglova Hmar chu a naupan lai a\anga kohhran bel tlat, zuk leh hmuam, ruih theih chi reng reng laka fihlim tluan a ni tih sawiin, \halaite tana hmathlir thui tak nei a nihna chu pawm tlak a ni, a ti.