ZPM leh Congress-in an thlawp Independent candidate, Pu Lalnghinglova Hmar-in tuna MP thlanna neih tur chu Prime Minister tur thlanna a nih avangin BJP duh lotute chu vote thlak vek turin a sawm.

0
161
views

Pu Lalnghinglova Hmar hian Campaign beihpui thlak chhunzawm zelin vawiin khan chhim lam tlangdung khaw hrang hrangah thu a sawi a, tun hmain MP thlanah vote a tlak \hat ngai loh avangin mipuite chu vote thlak \heuh tum turin a chah a. BJP duh lotu leh Prime Minister atana Narendra Modi duh tawh lotute chu vote thlak \heuh turin a sawm a ni.

Pu Lalnghinglova Hmar chuan, BJP kaihhruai sorkar hnuaiah Kristiante nekchep an ni tih sawiin, ram pawn a\anga Kristianna kaihhnawih \anpuina lo lut tur thlenga dan a ni a, Synod Hospital tihchangtlunna tur pawh an dang a, Vellore-a Christian Medical College-a Kristianten quota neih \hin pawh hnawksak an ti a, college hmingte hial thlak an duh nia sawiin, Kristiante tana BJP hnawksak zia chu missionary-ten an hriatchian thu a sawi.

Pu Lalnghinglova Hmar chuan, a khingpui MNF-te chu sawisel a tum loh thu sawiin, “MNF hi an sual an ti lo, mi fel tak tak, kohhran khawtlanga an rawngbawlpuite an ni tih sawiin, hetiang hi ni mah se, tun \um chu central lama an zawm a fuh lo a, BJP kaihhruai NDA ah an tel tlat avangin ram, hnam leh sakhua himna atan MNF mi leh sate pawh amah vote vek turin a sawm tih a sawi.

MP inthlanah rulling leh rulling lo an awm lo tih sawiin Pu Lalnghinglova Hmar chuan, MLA inthlan nen hriat pawlh loh tur a ni lova, MLA inthlan chu an zo tawh a, MNF in sorkarna an siam tawh. |ha takin sorkar siam se an duh a , tun \umah erawh chuan central-a sorkar siamtu tur an thlang dawn a. MLA inthlana intiamnate kha chu MP inthlan nen a dang a, sawi pawlh chi a ni lo, a ti a. Ngaihtuahna fim tak nena mipuite chu vote thlak turin a ngen a ni.