A hmanpuitu ZPM Steering Committee Vice President, Rev. K. Thanzauva chuan, ram hruaituten Pathian \ihna nei chunga ram an kaihhruai \hin loh avangin Mizoram a tluchhe mek niin a sawi a. Mizo hnamin Pathian a hlat hret hret a, chu chuan mimal nunah nghawng neiin hnam lungphum a ti che a, zalenna dik loah mipuite a hruai luh bakah engkim thiang vek anga ngaihnaah a hruai lut a, eiruk, sex, nau tih tlak, mahni anpui kawp thlengin engmah pawi loah \hangtharten an ngai tawh niin a sawi
ZPM Secretary General, Pu K. Sapdanga pawhin, kumina Mizoram Assembly inthlanpui awm tur chu Sakhaw indona tur a ni tih sawiin, India ram pum Hindu ram a siam tumtu BJP leh an mahni thawhpui mai pawh hreh lo MNF leh Congress leh Mizoram, Mizo Hnam leh sakhua venhim tumtu |angrual Pawl inbeihna a ni dawn niin a sawi a. |angrual Pawlin a ngaihpawimawh ber chu Mizo hnam, ram leh sakhaw a him em tih a ni, a ti.
