ZPM steering committe chairman, Pu Lalliansawta’n Lok Sabha leh Aizawl West I Bye Election neih turah Congress nen thawh hona rawtna chu a tirah duh lo mah se, ram leh hnam \hatna tur a nih rinna vangin thawh ho remtih a ni, a ti.

0
501
views

Vawiina Aizawl Press Club-a thuthar thehdarhtute a kawmnaah Pu Lalliansawta chuan, nikum kumtawp maiah State Assembly inthlanpui neih a ni a, hemi \uma nasa taka inbei Party pahnih tuna an \an ho leh chungchangah zawhna an dawng nasa tih sawiin, mi\henkhat phei chuan lal hrim hrim duh keh nihphung nghet pawh nei lovah an puh a, hei hi thil an hriatchian tawk loh vang a ni a, Congress leh ZPM chu an kalphung leh thil tum pawh hrang daih ni mah se, tun \uma Lok Sabha inthlan an hmachhawn tur chu ram, hnam leh sakhaw himna khawih a nih avangin Political Party-a an nihna dah\hain, ram leh hnam humhimna atan he thawh hona hi a lo piang ta a ni, a ti. Zawhna chhangin ZPM steering committe chairman chuan, amah ngei chu a tira thawh ho duh lote zinga mi a nih thu leh thawh ho a \ul chhan a hriat loh thu a sawi a. A tira an inbiak lai pawhin an thawh ho hi a ring lova, an party chhungah pawh thawh ho duh lo chu a tam zawk an ni a, hetihrual hian tuna an thu inchuh lian ber Citizenship Amendment Bill chu an zirchian hnuah ram, hnam leh sakhaw nun nena inzawm tlat a ni tih an hriat tak avangin thawh ho an remti ta a ni, a ti. Pu Lalliansawta chuan, kum 1962-a India leh Chian indo laia chanchinbu miten Chian Communist lo lianta se, India chu engrtih nge a awm ang tih an zawhna chu khan khatih laia Prime Minister, Jawaharlal Nehru khan India tan Communist a hlauhawm loh thu leh sakhuanna behchhan Politics kheltuten India an hruai a hlauhawm zawk thu a lo sawi tawh nia sawiin, hei hi tunah a takin a thleng mek a, India chu Hindu lalrama din tumtu BJP-in thuneihna an chan mek avangin sakhua a him lova, zirchianna hrang hrang a\anga a lan danin kum 2014-a Narendra Modi kaihhhruai BJP-in sorkarna an chelh a\ang khan India ramah Kristian-te tihduhdahna a hluar sawt hle a ni, a ti a. Hindu kal firfiak pawlte chuan chhantu nei tha inti takin BJP sorkar behchhanin Kristian-te chu ram chhung hmun hrang hrangah a nawm a makin an bei a ni ber a. Kum 2014-a BJP-in sorkar an chan a\anga ni 100 chauh a liam hnu khan Kristiante tihduhdahna vawi 600 chuang a thleng hman a ni, a ti.

UK leh US a innghat thil zirchiangtu pawl Open Doors’-in Annual World Watch List an tihchhuah thar berah chuan India chu khawvela Kristian-te tana hmun hlauhawm thlanchhuah 10 zingah a tel tih sawiin, Pu Lalliansawta chuan, Narendra Modi kaihhruai BJP sorkar hnuaiah kum 2014 chhung khan kristian tih duhdana \um 147
a thleng a, kum 2015-ah \um 177, kum 2016-ah \um 230
leh kum 2017-ah \um 351 a thleng tih sawiin, hetiang taka Kristiante tiduhdahtu NDA sorkar chu an thawhpui thu zep miah lovin Chief Minister, Pu Zoramthanga chuan, March ni 27-a Vanapa Hall-a Campaign kick off an neihnaah sawi lang tih sawiin, hetiang hi thil awm dan a nih avangin Kristian-te an zalenna, Mizo hnam a lo dam theih nan Mizoram mipuite chu Lok Sabha Aizawl West I Bye Election neih tura mipui candidate, Pu Lalnghinglova Hmar leh Pu Lalbuanga Sailo Vote vek turin a sawm a ni.