India ram puma sakhaw tenau leh hnam tenau chimral theihna tur, Citizenship (Amendment) Bill, 2016 ruahman a, kenkawh tum mektu BJP leh a sangawizawnpuite paih thla tura United India Movement lian tak lo awm ta chu lawmawm an tih thu sawiin, he hmalakna-in a tum ber, BJP thuneihna paihthlak chu a hlawhtlin theihna turin ZPM chuan theihtawp chhuaha hmalak a tum a, India ramah hnam tenaute himna leh sakhaw zalenna dik tak awm se tih duhtu zawng zawngte chu ZPM hmalakna thlawp turin an sawm a ni.
Kumina Mizoramin inthlan hrang hrang a hmachhawn turah hian ZPM chuan sakhaw zalenna leh Mizo hnam himna atana thawk thei ngei tur candidate an dah dawn tih sawiin, Zoram mipuite thlawpna leh \awiawmna an ngen tih an sawi. He \hutkhawmna hi ZPM Steering Committee Chiarman, Pu Lalliansawta’n a kaihruai a ni.
