ZPM Val Upa Council member, Pu Rin Sanga’n ZPM Candidate-te chu Independent angin inthlan chuh mah se, midang anga lei mai mai theih an ni ve dawn lo niin a sawi.

0
274
views

 

He thu hi vawiina an pawl Pisa-a chhung inkhawmah sawiin, Pu Rin Sanga chuan, ZPM candidate-te independent an nih avanga tun hnaia party \henkhain mipui rilru hruaisual nana thlan tlin pawh ni se BJP-in an lei vek dawn anga thu an thehdarh chu thil an hriatchian loh vang nia sawiin, ZPM candidate-ten Independent-a inthlan an chuh nachhan chu ZPM hi dan anga Recognise Party a la nih loh vang a ni tih a sawi a. ZPM chu kum 1 emaw vel lek kaltaa din chauh a ni a, ECI pawmpui Party ni tur chuan Election chuh phawt a ngai a, tun hi ZPM-in inthlan a chuh \umkhatna tur a nih avangin dan anga independent-a an din phawt a ngai zawk niin a sawi. Pu Rin Sanga chuan, ZPM Candidate-te chi independent pawh ni se, candidate an nih dawnah rinawmna thu an tiam tir vek nia sawiin, hei hi tumahin an bawhchhe lo tura ngaih a ni tih a sawi a. Hetiang ni lova mi 2/1-in an thuthlung hi an lo bawhchhia a nih pawhin, mipuiten archuk tui lo khawpin an sawi zui dawn a, chuvangin Party dang MLA ten candidate an chan dawn loh avanga candidate an chan theihna tur Party danga insawn ang mai maia mi rinawm lo tumah an awm ve loh an beisei tih a sawi.

Pu Rin Sanga chuan, tunah hian ZPM chu ram pumah an dinhmun a sang chho zel nia sawiin, sorkar siam mai thei khawpin an dinhmun a \ha chho mek niin a sawi a. Hei hi party dangin an hriat ve avangin an huphurh a, an dinhmun a chhiat theih nan hetiang thu dik hmang hian an beita mai niin a sawi a ni. He inkhawmah hi ZPM General Secretary, Pu Liankhuma Hrahsel-in a kaihruai a ni.