Vawiina an Party chhung inkhawmah Dr. Kenneth Chawngliana chuan, sorkar hmasa hun laia a\anga buaina in\an tawh, nikum maia Mizo zirlaiten ram an humhalh vanga Assam Police kut an tawrhna Zophai bulah tun hnai mai khan Assam lamin Muslim Biak in an sa a, hei mai hi ni lovin Vairengte Auto Rickshaw stand chhakah Assam Forest Department-in In an rawn sa bawk tih sawiin, hetiang a nih mek laia Mizoram sorkar hmalak dan chu a nep hle a ni, a ti a. Hetiang renga ramri humhalh chungchangah sorkar-in hma a la zel dawn a nih chuan MNF kaihhruaina hnuaiah chuan ramri hi chinfel a beisei awm ta lo hle tih a sawi.
Dr. Kenneth Chawngliana chuan, Tuikuk-te chungchangah pawh Sorkar chu dinna nghet tak nei tura a duh thu sawiin, Tripura-a awm mek Tuikuk-te Mizorama lalet tura ruahmanna awm mekah tun hnai mai khan Pawl pakhat, Bharat Hitaraksa Abhiyan (BHA) inti-te Tuikuk thlavang hauha Chief Minister Office tuala an pungkhawm ngam chu a zialo hle a ni, a ti a. Tuikuk-te chungchangah hian sorkar chu tlawmngai pawl leh political party-te thutluknaah a dinngheh ngam a ngai dawn tih a sawi.
MNF kaihhruai sorkar-in thla 10 a tling tawh chungin hmasawnna lam aia hnungtawlh zawnga kal ang maia a lang chu a zia lo hle tih Dr. Kenneth Chawngliana chuan a sawi a. Sorkar reng rengin ngaih pawimawh bik thil an nei vek a, Indira Gandhi Prime Minister hunlai pawhin ‘retheihna umbo’ kha ngaih pawimawh berah neihin retheihna umbo turin nasa takin hma a la a. Hetiang bawk hian sorkar kalta, Congress pawh khan NLUP leh NEDP flagship programe-ah hmangin nasa takin hma an la a, an hmalakna hi ramin kan chhawr lem lo mah se, thui tak hma an la thova, tuna MNF sorkar hian thla 10 a tling tawh chungin campaign laia an au hla ber SEDP hnuaia cheng nuai 3 sem chu hlamchhiahin, hmalakna mumal engmah an la nei lo nimai lovin an sawi bo mek a ni, a ti a. Thla 10 chhunga an thil tih langsar ber chu sorkar hmasain Medical College – Mizoram Institute of Medical Education Research a din, Zoram Medical College (ZMC) tia an thlak a ni a, Medical College hawn thar reng reng research tih nana hman theih turin a hmingah Research telh deuh vek a nih laia, Research tel lova Medical College pangngaia an thlak hi a uiawm takzet a. ZMC a hman tur hmanrua pawh \angkai lo leh mamawh bak pawisa siam nana lei vak vak awm nia lang chu a pawi hle a ni, a ti.
He inkhawm hi ZPM Secretary, Pu C. Rohnuna’n a kaihruai a ni.
